Ticker

6/recent/ticker-posts

منقبت در شان حضرت سیدہ زینب‌ بنت فاطمہ رضی اللہ عنہا

منقبت در شان حضرت سیدہ زینب‌ بنت فاطمہ رضی اللہ عنہا

منقبت در شان حضرت سیده زینب‌
ہیں بہت خوب سیدہ زینب
صبر ایوب سیدہ زینب
۔
ان کو کہتے ہیں ثانیء زہرا
شہ کی محبوب سیدہ زینب
۔
دونوں بیٹوں کو کردیا قربان
حق کی مجذوب سیدہ زینب
۔
آپ کے خطبہء درخشاں سے
سب ہیں مغلوب سیدہ زینب
۔
کی نہیں قدر آپ کی جس نے
ہے وہ مغضوب سیدہ زینب
۔
حیدر و فاطمہ و شبر سے
تم ہو منسوب سیدہ زینب
۔
علم و حکمت ہدی کے سب اسباق
تم میں مکتوب سیدہ زینب
۔
ہیں تمھارے سبھی حروف نکات
دیں کے مندوب سیدہ زینب
۔
تم نے‌ دیکھے تھے جو برائے دیں
خواب تھے خوب سیدہ زینب
۔
خلد بانہوں میں‌لےگی ان کو جو ہیں
تم سے منسوب سیدہ زینب
۔
خود حیا کرتی ہے حیا "عینی "
یوں ہیں محجوب سیدہ زینب
۔
از: سید خادم رسول عینی

اور پڑھیں:

ایک تبصرہ شائع کریں

0 تبصرے