مرے پیغام سے خائف مرے ہرکام سے خائف : غزل اردو شاعری

غزل

اسانغنی مشتاق رفیقیؔ

مرے پیغام سے خائف مرے ہرکام سے خائف

ہے کیوں اس شہر کا ہر فرد میرے نام سے خائف

مجھے تیری جہالت سے نہیں ہے کوئی ڈر لیکن

فقیہہ شہر میں ہوں بس ترے اوہام سے خائف

اُسے معلوم ہے کیا ہے تری اوقات بستی میں

امیرِ شہر کیا ہوگا ترے الزام سے خائف

ترے یہ حوریہ جنت مبارک ہوں تجھے واعظ

تجھے ہے فکر دوزخ کی میں ہوں آرام سے خائف

سمجھتا ہےوہ رفتارِ زمانہ اس لئے شاید

نہیں ہوتا کبھی وہ گردشِ ایام سے خائف

مجھے دشواریوں سے حوصلہ ملتا ہے جینے کا

ذرا بھی میں نہیں ہوتا کبھی آلام سے خائف

مسلماں ہو کے بھی اسلام پرعامل نہیں ہوں میں

یہ دنیا پھر بھی رہتی ہے مرے اسلام سے خائف

سلاسل کو جو تمغہ، دار کو انعام کہتے ہیں

نہیں ہوتے رفیقی وہ کسی انجام سے خائف

Ghazal in Urdu English by Asangni Mushtaq Rafiqi

Ghazal 

Asangani Mushtaq Rafeeqi

Meray paighaam say kha’if, meray har kaam say kha’if

Hai kyou(n) is shehar ka har fard mayray naam say kha’if

Mujhay tayri jihalat say nahi hai koyi darr laikin

Faqeeh-e-shehar mai hou(n) bas teray aouhaam say kha’if

Ussay maloum hai kya hai teri auqaat basti may

Ammer-e-shehar kya houga teray ilzam say kha’if

Teray a hoor a jannat mubarak ho tujhay wa’iz

Tujhay hai fikr douzaq ki mai hou(n) aaram say kha’if

Samjhta hai o raftaar-e-zamana is liye shayad

Nahi houta kabhi o gardish-e-ai’yam say kha’if

Mujhay dushwariyou(n) say housla milta hai jeenay ka

Zara bhi mai nahi houta kabhi aalam say kha’if

Musalma(n) ho kay bhi islam par aamil nahi hou(n) mai

A dunya phir bhi rehti hai meray islam say kha’if

Salasal ko jo tamgha, daar ko inaam kehtay hain

Nahi houtay Rafeeqi o kisi anjam say kha’if